ជនជាតិឥណ្ឌូនេស៊ីម្នាក់ ស្លាប់នៅក្នុងកាស៊ីណូក្រោន បណ្តាលមកពីមានជំងឺ
25-November-2017 | ដោយ ពលមនសិការ
ស្វាយរៀង ៖ កាលពីរសៀលថ្ងៃទី២៤ ខែវិច្ឆិកា ឆ្នាំ២០១៧ វេលាម៉ោង១៦និង៣០នាទ សមត្ថកិច្ចទទួលព័ត៌មានតាមទូរស័ព្ទថានៅចំណុច កាស៊ីណូក្រោន ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង មានករណីមនុស្សស្លាប់ក្រោយពីទទួលព័ត៌មានរួចលោកវរសេនីយ៍ទោ កែវ គង់ អធិការនៃអធិការដ្ឋាននគរបាលក្រុងបាវិតបានដឹកនាំកម្លាំងចុះដល់កន្លែងកើតហេតុដោយមានការសម្របសម្រួលពីលោក គង់ ច័ន្ទខេមរិទ្ធ ព្រះរាជ្ញាអមសាលាដំបូងខេត្តស្វាយរៀង។
លោកវរសេនីយ៍ទោ កែវ គង់ អធិការនៃអធិការដ្ឋាននគរបាលក្រុងបាវិតបានបានឲ្យដឹងថាជនរងគ្រោះ ឈ្មោះ អាឡិច សាន់ឌី អិសស្កាដា (ALEXSANDER ISKANDAR) ភេទប្រុស អាយុ៣៤ឆ្នាំជនជាតិឥណ្ឌូនេស៊ី មុខរបរបុគ្គកាស៊ីណូ (ផ្នែកអនឡាញ) មានទីលំនៅប្រទេសឥណ្ឌូនេស៊ីកាន់លិខិតឆ្លងដែនលេខ x324198 ប្រើទិដ្ឋការប្រភេទ E បានស្លាប់នៅលើរថយន្តពេលបញ្ជួនទៅមន្ទីពេទ្យ។
ក្រោយពីគណៈកម្មាធិការកោសល្យវិច្ច័យបានធ្វើការពិនិត្យលើសាកសពរួចបានបញ្ជាក់អោយឃើញថាសាកសពស្លាប់ដោយជំងឺ។
បច្ចុប្បន្នសាកសពត្រូវបានក្រុមហ៊ុនកាស៊ីណូយកមកតម្កល់នៅវត្តពោធិថ្មី(ហៅវត្តបាវិត)រង់ចាំក្រុមគ្រួសារមកទទួលយកទៅធ្វើបុណ្យនៅប្រទេសរបស់ខ្លួន ៕
ចំនួនអ្នកទស្សនា
- ថ្ងៃនេះ2801
- ម្សិលមិញ10851
- សប្តាហ៍នេះ69321
- ខែនេះ184471
- ឆ្នាំនេះ184471
- សរុប20626927